پاکستان اور جرمنی میں ہیلتھ کے شعبے میں معاونت پر پیشرفت

اے ایف چودھری

پاکستان میں ایمرجنسی میڈیکل کے شعبے میں اصلاحات کیلئے سر گرم جرمن ایمرجنسی میڈیکل ڈاکٹر عبدالرحمان شاہد کی کوششیں رنگ لانے لگیں۔جرمنی کے شعبہ ہیلتھ سے وابستہ ادارے پاکستان میں اسپتالوں میں ایمرجنسی میڈیکل کے شعبے میں تعاون کیلئے تیار ہو گئے۔
ڈاکٹر عبدا لرحمان شاہد نے یورو نیوز اردو کو بتایا کہ پاکستان میں ایمرجنسی میڈیکل شعبے میں بے پناہ اصلاحات کی ضرورت ہے۔ جرمنی جیسے ترقی یافتہ ملک کی طرح پاکستان میں بھی ڈاکٹرز اور پیرا میڈیکل اسٹاف کو ایمرجنسی کی صورتحال سے نمٹنے کے لیے جدید خطوط پر تربیت کی ضرورت ہے۔ جس سے کئی قیمتی جانوں کو بچایا جا سکتا ہے۔

انہوں نے بتایا کہ گزشتہ سال دورہ پاکستان کے دوران پاکستان میڈیکل کونسل ،نیم سرکاری اسپتالوں اور فیڈرل ہیلتھ منسٹری کے عہدیداروں سے ملاقات میں اس بات پر اتفاق ہوا تھا کہ جرمنی کے شعبہ صحت کی ترقی سے فائدہ اٹھایا جائے ۔ ڈاکٹر عبدالرحمان شاہد کا مزید کہنا تھا کہ انہوں نے ہائیڈل برگ کی سٹی کونسل کے رکن اور سرگرم پاکستانی نژاد سیاسی رہنما وسیم بٹ کے اشتراک سے جرمنی کے اسٹیٹ آف دی آرٹ میڈیکل سہولیات سے پاکستانی ڈاکٹرز اور پیرا میڈیکل اسٹاف کو فائدہ پہنچانے کیلئے کامیابی حاصل کر لی ہے۔

انہوں نے بتایا کہ ڈیوس میں موسمیاتی تبدیلیوں کے صحت پر اثرات سے متعلق ورکشاپس میں شرکت کی دعوت کے باوجود وہ مصروفیات کے باعث نہ جا سکے تاہم رکن سٹی کونسل وسیم بٹ نے وزیراعظم عمران خان اورمشیر وزیراعظم زلفی بخاری سے ڈیوس میں ملاقات میں پیشرفت سے آگاہ کرتے ہوئے انہیں پروجیکٹ پروپوزل پیش کیا۔
ڈاکٹر عبدالرحمان شاہد نے بتایا کہ وہ جلد ہی پاکستان کا دورہ کریں گے اور سفارشات کو عملی جامہ پہنانے کے لیے واضح لائحہ عمل پیش کریں گے۔

Leave a Reply

Your email address will not be published. Required fields are marked *

*

x

Check Also

ڈیجٹل اکانومی سے پاکستان میں انقلاب آسکتا ہے،شہزاد سبحانی

ریاض(خرم خان، نمائندہ)گلوبل انفارمیشن سیکورٹی پاکستانی پروفیشنل اور پاکستان اوورسیز کمیونٹی گلوبل کی جانب سے ...

%d bloggers like this: