جرمنی پاکستان میں ایمر جنسی میڈیسن کے شعبے میں تعاون کیلئے تیار ،ڈاکٹر عبدالرحمان شاہد

پاکستانی ڈاکٹرز جرمنی میں تربیت کے مواقع سے مستفید ہو سکیں گے،جابز بھی ملیں گی
لاہور( یورو نیوز اردو)جرمنی میں ایمرجنسی میڈیسن کے شعبے میں کام کرنے والے ڈاکٹر عبدالرحمان شاہد ان دنوں پاکستان کے دورے پر ہیں جہاں وہ جرمنی کے جدید ترین اسپتالوں کی جانب سے پاکستان کے پیرا میڈیکل اسٹاف اور ڈاکٹرز کی تربیت کے شعبے میں تعاون کی پیش کش بارے اعلیٰ حکومتی حکام اور دیگر افراد سے ملاقاتیں کریں گے۔


انہوں نے لاہور میں ڈاکٹرز کے ساتھ ظہرانے پر ملاقات کی اور مختلف امور پر تبادلہ خیال کیا۔ ظہرانے میں ڈاکٹر عباس احمد، ڈاکٹر راشد ارشد،ڈاکٹر جبران نواز، ڈاکٹر انس اعجاز، ڈاکٹر کامران الیاس اور کاروباری شخصیات چوہدری عفان شاہد اور چودھری فرقان راشد موجود تھے۔
اس موقع پر ڈاکٹر عبدا لرحمان شاہد نے کہا کہ پاکستان میں ایمرجنسی میڈیسن کے شعبے میں کام کرنے کی ضرورت ہے۔ سرکاری سطح پر ایمرجنسی کے شعبے کو جرمنی اور بین الاقوامی معیار کے مطابق اپ گریڈ کرنے کی ضرورت ہے۔ جرمنی کے حکام اور بہترین اسپتال پاکستانی ڈاکٹرز کی پیشہ وارانہ صلاحیتوں کے معترف ہیں اور چاہتے ہیں کہ پاکستان سے پیرا میڈیکل اسٹاف اور ڈاکٹرز کی بین الاقوامی معیار کے مطابق ایمرجنسی میڈیسن کے شعبے میں تربیت کی جائے۔
ملاقات میں موجود پاکستانی ڈاکٹرز نے ڈاکٹر عبدالرحمان شاہد سے اتفاق کیا اور کہا کہ پاکستان میں عوامی رویے اور ڈاکٹرز کے رویے دونوں میں ہی بے پناہ خامیاں پائی جاتی ہیں۔ عوام تحمل کا مظاہرہ کریں اور ڈاکٹرز پیشہ وارانہ ذمہ داریوں کا تو بہت سے مسائل حل ہو سکتے ہیں۔ حکومتی سطح پر بھی ایمرجنسی میڈیسن کے شعبے میں جرمنی کے تجربات سے فائدہ اٹھانا چاہیے۔
ملاقات میں کرونا وائرس کی تباہ کاریوں اور پاکستانی ڈاکٹرز کی تیاریوں پر بھی تبادلہ خیال کیا گیا،،

Leave a Reply

Your email address will not be published. Required fields are marked *

*

x

Check Also

آئرلینڈ 4ہزار تارکین وطن کو شہریت دے گا

ڈبلن(وسیم بٹ،اسپیشل رپورٹر) آئرلینڈ میں مستقل رہائش اختیار کرنے کے خواہش مند تارکین وطن کی ...

%d bloggers like this: