یورپ میں پاکستانی ڈاکٹرزاورسائنسدانوں کی نمائندہ تنظیم کا افتتاح

برلن(مطیع اللہ) یورپ بھر سے پاکستانی نژاد ڈاکٹرز،سرجنز،سائنسدانوں اور پیرا میڈیکل پروفیشنلز کی سب سے بڑی تنظیم (APPS EUROPE)کا افتتاح کر دیا گیا۔

تنظیم کا باقاعدہ افتتاح گورنر پنجاب چوہدری سرور نے ایک آن لائن زوم افتتاحی تقریب میں کیا۔ تقریب میں یورپ کے مختلف ممالک کے پاکستانی سفیروں سمیت ڈاکٹرز اور سائنس دانوں نے شرکت کی جن میں مہمان خصوصی گورنر پنجاب چوہدری سرور ،APPS Europ تنظیم کے بانی و صدر ڈاکٹر عبدالرحمن شاہد،چئیرپرسن سائینٹسٹ طاہر محمود، APPS برطانیہ کے سی سی او ڈاکٹر عبدالحفیظ ،صدر شکیل پوری،برطانیہ سے پاکستانی ہائی کمشنرمعظم احمد خان،سویڈن سے پاکستانی سفیر ڈاکٹر ظہور احمد، ناروے سے پاکستانی سفیر ظہیر پرویز، اسپین سے پاکستانی سفیر خیام اکبر، جرمنی سے پاکستانی سفیر ڈاکٹر محمد فیصل، ڈنمارک سے پاکستانی سفیر احمد فاروق، رومانیہ سے پاکستانی سفیر ڈاکٹر ظفر اقبال، سمیت ڈاکٹر عفان قیصر، ڈاکٹر نازش عفان ،اور یورپ کے مختلف ممالک سے منتخب ہونے والے ڈاکٹرز اور سائینٹسٹ جن میں سویڈن سے ڈاکٹر محمد شاہد، اسپین سے ڈاکٹر عرفان راجہ، فرانس سے ڈاکٹر مبشر حسان ،آئرلینڈ سے ڈاکٹر شاہد سلیمی،عثمان سعید، ناروے سے ڈاکٹر عامر چوہدری، برطانیہ سے ڈاکٹر شائستہ معراج،ناہید خان، یونان سے ڈاکٹر تنویر سید، جرمنی سے ڈاکٹر عمر چوہدری، سوئٹزرلینڈ سے ڈاکٹر معظم علی، فرانس سے ڈاکٹر جبار ملک، ہالینڈ سے ڈاکٹر رانی، اٹلی سے ڈاکٹر محمد حسام، ڈنمارک سے ڈاکٹر میر صبوح، بلجیم سے ڈاکٹر منظور الہی، رومانیہ سے ڈاکٹر قاسم رزاق و دیگر نے شرکت کی اور اظہار خیال کیا۔گورنر پنجاب چوہدری سرور نے اپنے خطاب میں APPS UK کو پاکستان میں انسانیت کی خدمت پر خراج تحسین پیش کیا اور برطانیہ کے بعد یورپ بھر کے ڈاکٹرز ،پیرا میڈکس، نرسز، پروفیشنلز،ریسرچرز، سائنس دانوں کو ایک پلیٹ فارم پر اکٹھا کرنے اور یورپ کی سب سے بڑی تنظیم بنانے پر مبارکباد پیش کی، ویبینار سے APPS UK کے صدر شکیل پوری نے خطاب کیا اور وزیراعظم پاکستان عمران خان کا پیغام پڑھ کر سنایا، APPS UK کے سی ای او ڈاکٹر عبدالحفیظ نے اپنے خطاب میں تنظیم کے پلیٹ فارم سے پاکستان میں کئے جانے والے کام پر تفصیلا ًروشنی ڈالی اور شرکا کو تنظیم کے 16 سال کے سفر اور کاردگی سے آگاہ کیا۔انہوں نے بتایا کہ اس وقت تنظیم کے 6 ہزار سے زائد ممبران ہیں جبکہ 35 ہزار کے قریب فالوورز ہیں، پنجاب ہیلتھ کئیر کمیشن کاذکر کرتے ہوئے کہا کہ یہ ہماری تنظیم کے قابل ذکر کام ہیں۔

برلن:APPS EUROPEکے بانی صدرڈاکٹر عبدالرحمان شاہد

ویبینار سے APPS Europ کے صدر و بانی ڈاکٹر عبدالرحمٰن شاہدنے اپنے خطاب میں انسانیت اور مادر وطن پاکستان کی خدمت کے عزم کو دہرایا اور یورپ کی تنظیم کے اغراض و مقاصد پر روشنی ڈالی۔انہوں نے کہا کہ APPS Europ یورپ بھر میں پاکستانی ڈاکٹرز فزیشنز سرجنز اور پروفیشنکشز کی سب سے بڑی تنظیم ہو گی اس تنظیم کا مقصد پاکستانی اوریجن کے ڈاکٹرز اور پروفیشنلز کو ایک پلیٹ فارم پر اکٹھا کرنا اور پاکستان کی خدمت کرنا ہے۔ اور بہت جلد یورپ بھر میں تنظیم سازی مکمل کر لی جائے گی جس میں ڈاکٹرز سرجنز فزیشنز سائنس دان اور الائیڈ ایکسپرٹس شامل ہونگے۔ 

Leave a Reply

Your email address will not be published. Required fields are marked *

*

x

Check Also

ڈیجٹل اکانومی سے پاکستان میں انقلاب آسکتا ہے،شہزاد سبحانی

ریاض(خرم خان، نمائندہ)گلوبل انفارمیشن سیکورٹی پاکستانی پروفیشنل اور پاکستان اوورسیز کمیونٹی گلوبل کی جانب سے ...

%d bloggers like this: